買年金回報 好過債券 李紫晶

0
84

安格斯介紹完兩個將物業加按買保險年金或者買債嘅方案,蘇小姐終於發現手上嘅物業可變出「錢途」,馬上拉安格斯去晚飯繼續傾。安格斯真係好似件A級牛扒,好受歡迎呢!而我呢?當然要問吓老公小勇哥嘅意見。

小勇哥聽完頗滿意咁話:「未來兩年香港息口雖然向上,但仍然喺低位,套現買年金或買債係有得諗,因為將現有資源變現投資,搵多個收入來源,除咗正職,月月有正現金流,係理財非常重要嘅一環!你至精,果然收到好料,不枉我叫你睇舖」。

佢又話:「年金同買債各有所長,年金收成期長啲,起碼5至10年,5年內取消可能收唔番本,但好處係比債券安全,如果投資期10年以上,回報應該比債券更高。相反債券就靈活啲,可以隨時買賣。我哋唔急住用錢,可以做個年金計劃睇睇,搵『理出個未來』嘅大樹兄幫手計吓數」。

呢個時候,「理財咖啡室」最年輕有為嘅咖啡調配員仁仔,望住我哋嘆晒氣咁講:「至精老闆娘,我好羨 慕你哋,有樓揸手,可以錢搵錢,我哋90後,打份工萬幾兩萬蚊,銀行存款永遠唔過十萬,唔知幾時先儲夠首期買樓結婚呀!」

小勇哥話:「仁仔,睇你沖咖啡愈來愈有水準,等我培養吓你,點樣將理財融入生活啦!」香港有很多90後同仁仔情況相似,點樣將仁仔打造成一個識理財嘅小夥子呢?真令人期待!

資料來源:湯森路透理柏

註:基金開支比率顯示基金總開支佔基金資產值的百分比。須留意的是,基金開支比率根據上一財政期的數據編製,屬昔日資料。已公布的基金開支比率不能反映現年度的任何費用、收費或開支調整。

***部份成立不足兩年的基金,則不用提供基金開支比率。

免責聲明:《MPF攻略王》所提供的基金表現只可作為資料參考用途。對於基金價格及表現數據的正確性、準確性、現行性或可靠性均不作出保證或擔保。在任何情況下,概不就基金價格及表現數據而引至的任何損失或破壞承擔責任。

讀者評論

發表留言