環球房託逐隻捉 李紫晶

0
125

錢Sir上個禮拜教路,先用保本嘅優質債券,做槓桿加大回報;再用唔保本但具有上升潛力嘅收息股,做防守為call loan準備,呢兩招果然係妙着。收息股穩陣之餘流動性較高,適合長期收集及持有,要變現亦十分方便,配合買債方案,真係好使好用。

於是,紫晶決定認真做吓功課,建立一個以高息為主嘅股票組合。第一步當然是制訂股票名單,再睇位入貨啦!講到高息股,房地產投資信託基金(REITs)係絕不可少的。

尋找樓價租金齊升嘅地方

香港上市嘅房託唔多,領展、冠君、置富、泓富大家都耳熟能詳,息率介乎4至7厘,回報同埋安全度都ok,美中不足係香港嘅房託可能因經濟放緩同埋樓市周期向下,影響出租率同埋租金升幅。

紫晶覺得,有必要向外發展,找尋一些樓市周期正在復甦向上的房託,作為收息之選,即係股價同埋股息,都要有增長機會。

翻查反映全球樓價嘅S&P Global Property Indices同埋反映全球REITs表現嘅REIT Indices,兩者關係果然息息相關,成熟市場REITs如美國同埋英國,每年回報超過4厘。如果要提高回報,可以着眼於貨倉或特殊用途嘅房託,這些REITs嘅回報可以達到8至9厘或更高。

如果某隻REIT擁有較多酒店同埋消閒用途嘅物業,就千祈唔好諗,因為呢個板塊嘅地產同埋房託指數,2015年價格已經跌咗超過20%。至於新興市場,除咗中國樓價同埋REITs之外,其他地方這兩個指數表現,都係跌得相當難睇。

讀者評論

發表留言