投資的雪球效應失靈?

0
53

股神畢菲特早前炮轟對沖基金投資表現不濟,大意係「你又唔係咁叻,點解要收咁貴啫!」風流多年的對沖基金,迎來近千隻清盤的苦況,這數字創2009年以來最高。當投資者對這些「大鱷」報以噓聲後,更應引以為鑑,因為後金融海嘯年頭,市況將繼續波動,加埋回報難求,大家不能獨善其身。

追求絕對回報的對沖基金,最大優勢是操作夠靈活,做好、做淡、做埋槓桿也可,創造回報本應手到拿來。但後金融海嘯股市趨向波動,散戶和基金經常被左一巴右一巴,醒目的您可能會問?個市波動可以儲多啲基金單位?沒錯,但正、負回報仍要取決於識唔識得走位。

以本港投資者最愛的香港股票為例,恒指2000年至今,我們享受到兩個大升浪,2007年港股直通車,2015年的北水掃港股,若兩次都沒在掉頭回落時識得食胡,15年以來累計僅得5成多回報,你甘心嗎?

08年至今各國央行大量放水,游資太多,靚嘢太少,拉低回報。債王格羅斯警告過去40年高投資回報難再出現,叻人如橋水的Ray Dalio都預期高風險低回報之日將要來臨。

這說明甚麼呢?用畢菲特「雪球效應」作比喻,後金融海嘯的年頭,濕的雪和長斜坡的日子不再,投資者迎接的是顛簸不平的低斜波,同埋黏性不大的雪,要將雪球滾大需要分外吃力,如果唔理?通脹下雪球將會慢慢溶化,購買力持續下降,豈能不理呢?

(若閣下有理財疑難,可到《富道財經》fb留言,或電郵至info@mpfmaster.com,我們會盡快解答。)

讀者評論

發表留言