別讓慳家沖昏頭腦

0
31

近期有篇廉價航空潮文在網上瘋傳,講述女友中了廉航魔咒,原以為女友知慳識儉,但後來因廉航改目的地,機票民宿只是平過原本少少,服務同環境卻差一大截,男友寧願花多點錢享受自己假期。最後女友崩潰話會畀朋友笑,話咁貴去一次,人哋話可以去幾次,歸根是面子問題。

係咪真人真事無從稽考,但現實上的確很多人將慳家和精明消費混淆,慳家未必精明,慳家或要付出額外成本,例如時間,或要放棄一些舒適的享受才能達成的。筆者看重精明消費,尤其是理財和投資議題上,收費和回報是雞和雞蛋的問題,精明投資理應追求合理收費高回報。

近年不少券商以超低佣金甚至免佣作招徠,淡市對用家來說可謂精明選擇,但若出現去年4、5月般的大牛市,隨時因小失大,搞到一肚火,手機應用程式登入不行,電話落盤沒有人接聽,問題是大牛市是不等人,當升幅逐步擴大,也只能乾着急,原屬於自己的回報也流走了。

老闆成日話員工唔攞個心出嚟,員工話老闆唔攞嚿金出嚟,其實投資市場上,用家就是老闆,對主動基金的基金經理來說,主要收入源自表現費。強積金同理,基金開支比率是選基金的重要因素,但不是唯一考慮,低收費換來低回報無疑拎石頭擲落自己腳上。

筆者做了個小統計,據湯森理柏資料,本年至今擁逾7%回報的全是環球債券基金,它們的基金開支比率差距可以很大,由0.91%至1.81%都有,當中表現最好的3隻,有2隻高於平均數1.38%,故我們要做的,正是選取低收費,但享同等回報的基金。

(若閣下有理財疑難,可到《富道財經》fb留言,或電郵至info@mpfmaster.com,我們會盡快解答。)

讀者評論

發表留言