大學教育與理財 李紫晶

0
27

講咗兩星期教育資源運用,最後當然要講埋大學教育與理財,因為大學教育最少要使幾十萬,甚至幾百萬,愈早規劃愈有利。

仍然要以目標為本,初中過後,最好先引導子女盡早根據自己興趣,選定大學想修讀嘅學科,一來中學揀科可以配合,例如想大學修讀環境規劃,中學時選修化學比較有利;二來亦可預早報讀一些短期體驗課程,驗證一下是否真的興趣所在,避免入大學後才後悔。

至於理財方面,更可多方配合,假設已經有心儀嘅外國大學,想盡量減少留學支出,有些學生會完成中五後,不留港升讀中六,直接修讀相關嘅一年制證書課程,再用多一年修讀文憑課程,然後直接入讀大學二年級,這樣會比走傳統途徑的學生,早一年取得大學學位,慳出來嘅時間就是金錢了。

另有一種「以房養學」嘅概念,以房屋資產價格升幅及出租回報,抵銷留學的支出。例如近年澳洲地產每年平均7%至8%升幅,未上大學前,可以先喺目標大學附近置業,最好是兩房以上單位。澳洲物業喺香港可以做港元按揭,免除匯率風險,息率2厘多,比澳元按揭按約5厘便宜得多,出租回報約6至7厘。

兩年後,子女到澳洲讀大學,可將單位收回自住,將兩房其中之一租給同學,每月可收回5,000港元做子女生活費,又有同學作伴。假設3年後大學畢業,將物業出售,5年間物業升幅同租金收入,足以支付全數留學費用。相反,如果未有落腳地點,不妨先購入當地住房REITS,先將居住成本與當地通脹掛鈎,一樣能夠提早部署。

如果留學英國,由於英鎊仍有下跌空間,留學理財部署就唔一樣,紫晶會先借英鎊,再慢慢找尋回報合理的房產投資,才開始以房養學嘅方案。總之,如果預早規劃,投資有道,回報有機會等如免費留學。

讀者評論

發表留言