高風險恒大債券的安全罩 李紫晶

0
47

小勇哥話,買入恒大地產(3333)2019年1月到期的美元債券,係因為「大・比」俾咗安全感佢,那個所謂「大・比」實情係大劉同甘比。恒大2017年3月發行三張在2020年、2022年及2024年到期的美元債券,共集資25億美元,其中甘比就認購了10億美元24年到期的7年期債券、息率9.5厘。

小勇哥解釋:「我們現在買的是2019年到期的債券,拿回本金日期排在這些富豪之前,安全墊都幾厚。更重要嘅原因係,恒大有心藉借殼深深房回歸A股,為了取得綠燈放行,恒大先主動退出萬科股權爭奪戰,業績會上表明今年底前贖回三分二永續債,有效降低恒大的真實負債率。為了「愛回A」,恒大下了好大決心」。

永續債券不同於有年期債券,按香港會計準則,永續債可以「永久資本工具」入賬,並列在「股東權益」之下,債券的利息支出亦視為利潤分派,利息開支不會因發永續債而上升。

小勇哥再補充,「恒大有大孖沙支持,贖回永續債進度理想。雖然以有期債取代永續債會令淨負債比率上升,但將地產業務回歸A股,將帶來多一個融資平台,恒大的信貸狀況應有改善。而且揀年半期的短債,唔會太受加息因素影響,到期收益率5厘多,短期內違約風險不高,算是短期資金的好去處」。

紫晶回應:「呢隻債計落頗安全噃。我諗起昨日盧太打電話畀我,話舊年博收20幾厘息,買咗隻新昌債券,依家債價得番五折,想斬纜唔捨得,又未必揾到買家,如果呢種「To爆or Not To爆」狀態維持一年半載,就算最終冇事,都夠晒煎所以呢,買直債千祈唔好只顧住高息,首要係保本,如果想買高息債券,不如考慮高息債券基金,起碼可以分散風險,爆幾隻都唔會渣都冇。」

讀者評論

發表留言