加息縮表 投資有橋(一)

0
91

今日咖啡室非常熱閙,事緣美國聯儲局上周宣佈加息的同時,亦公佈收縮資產負債表的計劃,因而成為咖啡室最熱門的話題。紫晶那些金融才俊熟客仔個個「談縮表、講息變」,眉飛色舞之餘,不乏真知灼見,紫晶節錄對我等小投資者最有用的看法,給大家參考。

退休banker錢Sir話:「投資者幾時都要同政府貨幤、息口政策一致,之前政府大力放水減息,投資時借多啲錢,做大啲槓桿都冇妨,宜家政府跳緊慢四步收水,借得盡去投資,都要慢慢縮吓負債,如果政府跳快步收水,負債就要減快啲。」

小勇哥最認真,按聯儲局官員對加息的預測以及縮表進程的影響,做咗個息口變化表。佢話未來投資之前,要根據呢個表,計好晒預期回報,先至好下注。佢估計9月宣佈開始縮表,12月再加息0.25厘及之後兩年每年加息三次的情況做預算(見附表)

假設借錢投資,例如以按揭買樓,2019年9月儲局可能將息口提升加埋縮表,等如加息到3.08厘,如果計埋銀行利潤,供樓息口隨時要4厘左右,所以買樓前,要計吓自己負擔能力,可唔可以去到呢個水平。至於其他投資嘅影響,下期繼續。

讀者評論

發表留言