建立優質A股倉(二) 李紫晶

0
363

今日繼續分享優質A股倉嘅建倉大計。紫晶以價值投資角度選股,小勇哥負責篩選成長股。紫晶用6項條件,從3330隻A股中,初步篩選一批股票:(1)市值超過50億人民幣;(2)淨資產收益率大於5%;(3)最新經營現金流為正數;(4)最新利潤同比有增長;(5)最新收入同比有增長;(6)動態市盈率60倍以下。

如果對財務數據不太熟悉的讀者,可能覺得好頭痕,但講白啲,只係要找出哪些生意有增長、利潤有增長、同埋經營現金流正數嘅公司。不過,咪以為呢啲條件好easy,會有大把公司符合要求,篩選後的股票實質只剩下88隻,唔夠3%!

接著紫晶開動人肉揀股器,逐一查閱呢88隻股票,由2014年開始至今的各種財務數據及行業報告。就算有錢賺,若盈利趨勢連續三年下滑的公司都要剔除,得出好珍貴嘅60隻股票,係紫晶下半年嘅入市對象。

由於篇幅所限,只能列出部份選股,讀者如想知道60隻股票嘅名單,歡迎在富道財經facebook(https://www.facebook.com/fortunetao本文的Post下留言「索取李紫晶60隻優質A股倉股票名單」或whatsapp 60759492,順便俾個「like」啊!

有了煮靚餸嘅材料,下期就分享炒餸嘅技巧吧,即係入市時間和注碼控制,下星期見。

讀者評論

發表留言