歐洲資產,我來了! 李紫晶

0
65

2017已過了三季,先做檢討(附表),各項資產表現仍不俗,紫晶繼續看好港股及新興市場股票,如果年初有入貨,應繼續持有,或者好似我咁,沽部分貨做短炒,餘下股票任其自由飛翔。坊間好多人認為恒指三萬點指日可待,四萬點也不是夢想,總之長線投資者低位入貨,安心長揸收息,其他以平常心面對便可。

現時最重要是繼續搜尋雙優資產,作中長線配置,播好種籽日後才有收成,紫晶以月供方式收集優質A股及成長A股,過一輪持倉略有規模時,再跟讀者分享。

另一部署是在歐洲尋寶,為何買歐洲資產?因歐洲經濟復甦良好,歐央行計劃明年縮表,加上英國經濟強勁,計劃加息遏抑通脹,最吸引的是此時還有便宜貨可買。德銀(DB.NYSE)現價17.21美元,PB僅0.44倍,平過同類國際級銀行。當然德銀上半年虧損龐大,而且負債纍纍,有投行覺得德銀已經無得救。

不過,紫晶相信,歐洲連希臘都救,默克爾無理由唔救德銀。暫時德銀冇息派,不符合穩定現金流標準,但44折買到德國最大銀行,值得等業績回升和恢復派息。經濟復甦,要買金融和地產股,所以紫晶仲揀咗隻歐洲REITS——UD1U,回報唔錯,有7.8厘,當作彌補DB冇息收的缺陷。因篇幅所限,紫晶下星期再繼續。

讀者評論

發表留言